Nú er staðan þannig í Grindavík að bærinn er opinn fyrir íbúa og atvinnulíf. Af því tilefni er rétt að árétta að vegna þeirra náttúruhamfara sem dunið hafa yfir á þessu svæði á síðustu mánuðum þá geta verið bilanir í veitukerfum bæjarins sem ekki er vitað af. Er því rétt að vara bæði íbúa og verktaka við því að vera í nálægð við mögulega laskaða innviði, svo sem götuskápa eða við sprungur þar sem rafsstrengir eða hitaveitulagnir geta verið í sundur með tilheyrandi hættu.
