Staðan um hádegisbil
Staðan um hádegisbil er þannig að sprungan hefur opnast í átt að Grindavík og er unnið að uppfærðum viðbragðsáætlunum með það að markmiði að halda rafmagni og heitu vatni á bænum eins lengi og mögulegt er.
Enn hefur eldgosið ekki haft áhrif á innviði HS Veitna og eins og staðan er nú er rafmagn og heitt vatn á öllum bænum. Í morgun kviknaði eldur í götukassa ofan við Víðihlíð í bænum og má telja það vera í tengslum við jarðskjálfta sem hafa verið á svæðinu á síðustu klukkutímum.
HS Veitur halda áfram að fylgjast náið með stöðu mála og munum við halda okkar viðskiptavinum áfram upplýstum eftir því hvernig málin þróast.