Vinnustaðurinn og laus störf

HS Veitur eru framsækið þekkingar- og þjónustufyrirtæki í veitustarfsemi sem telst til mikilvægra innviða

Hjá HS Veitum starfa um 100 starfsmenn á fjórum starfsstöðvum sem sinna margvíslegum störfum. Fyrirtækið þjónar mörgum af stærstu fyrirtækjum landsins og eru íbúar á veitusvæði HS Veitna tæplega 90 þúsund.

Í fyrirtækinu ríkir jákvæður starfsandi sem einkennist af sterkri liðsheild og virðingu í samskiptum.

Gildin okkar eru:

Traust

Við vinnum að heilindum, fagmennsku og samviskusemi

Virðing

Störf okkar einkennast af virðingu fyrir hvort öðru og viðskiptavinum okkar

Framfarir

Við erum framsækin og eflum okkur stöðugt í starfi og þjónustu

Viltu vera með?

HS Veitur eru leiðandi á landsvísu þegar kemur að þróun og framförum. Hjá okkur er rík áhersla á öryggi og að starfsfólk komi ávallt heilt heim. Liðsfélagar fá tækifæri til að eflast, þróast og nýta hæfni sína og styrkleika í starfi.

Saman vinnum við að því að færa viðskiptavinum rafmagn, heitt og kalt vatn heim. Vertu hluti af öflugu teymi og taktu þátt í að þróa og sinna samfélagslega mikilvægum innviðum !

Störf í boði

HS Veitur leita að metnaðarfullum og drífandi einstaklingi til að sinna kerfisstjórn og þjónustu við notendur. Viðkomandi tekur jafnframt þátt í ýmsum verkefnum á sviði upplýsingatækni, umbóta og verkferla.

Viðkomandi þarf að hafa framúrskarandi þjónustu- og samskiptahæfileika og tæknilega kunnáttu til að leysa fjölbreytt og krefjandi verkefni.

Frekari upplýsingar og umsóknarform má nálgast hér.
Við hjá HS Veitum erum reglulega að leita að glaðlyndum einstaklingum sem hafa áhuga á að vinna með okkur í að færa viðskiptavinum okkar þægindin heim !

Sækja um

Af hverju HS Veitur?

Öryggi
Hjá okkur er lögð rík áhersla á að starfsfólk finni fyrir öryggi og trausti. Leggjum við áherslu á að skapa góða öryggismenningu á vinnustaðnum.
Vellíðan
Við bjóðum upp á stuðningsríkt vinnuumhverfi sem inniheldur áherslu á að vera fjölskylduvænn vinnustaður, líkamsræktarstyrki, heilsuverndarþjónustu, góða næringu og ýmsar athafnir sem ætlaðar eru til að halda starfsfólki okkar bæði líkamlega og andlega heilbrigðu.
Liðsandi
Með virku starfsmannafélagi er iðulega eitthvað spennandi framundan, sem eykur bæði gleði og ánægju í vinnunni.

Frekari upplýsingar

- Allar umsóknir fara í gegnum ráðningarvef Alfreðs nema annað sé tekið fram.
- Farið er með allar umsóknir og fyrirspurnir um störf sem trúnaðarmál.
- Umsækjendur fá staðfestingu á móttöku umsóknar í tölvupósti.
- Öllum umsóknum um auglýst störf er svarað þegar búið er að ráða í starfið.
- Aðeins mannauðsstjóri, eftir atvikum utanaðkomandi ráðgjafi í ráðningum og stjórnandi þess sviðs sem auglýst starf tilheyrir hafa aðgang að þeim umsóknum sem berast.
Mannauðsstefna
- Markmið HS Veitna er að tryggja að vinnustaðurinn einkennist af fagþekkingu, verkkunnáttu, þjónustulund, starfsgleði, heiðarleika og gagnkvæmri virðingu. Möguleikar til að ná fram settum markmiðum byggjast fyrst og fremst á því að fyrirtækið hafi yfir að ráða hæfu, áhugasömu og vel menntuðu starfsfólki sem getur axlað ábyrgð og sýnt frumkvæði í starfi, brugðist við síbreytilegum þörfum og geti þannig tekið virkan þátt í framþróun fyrirtækisins. Einnig að fyrirtækið leggi metnað sinn í að hlúa vel að sínu starfsfólki til að viðhalda starfsánægju og góðum starfsanda.
Jafnréttisstefna
- Jafnréttisstefna HS Veitna er unnin í samræmi við lög nr. 150/2020 um jafna stöðu og jafnan rétt kynjanna og lög nr. 86/2018 um jafna meðferð á vinnumarkaði. Með jafnréttisstefnunni einsetja HS Veitur sér að vinna markvisst að því að jafna stöðu kynjanna á vinnustaðnum. Kynbundið ofbeldi, kynbundin og/eða kynferðisleg áreitni er alls ekki liðin á vinnustaðnum og skuldbinda HS Veitur sig til þess að bregðast við í samræmi við aðgerðir í jafnréttisáætlun komi slík atvik upp. Einnig miðar jafnréttisstefnan að því að HS Veitur séu góður og eftirsóknarverður vinnustaður fyrir alla óháð kyni, uppruna eða öðrum ómálefnalegum forsendum.