Aðalfundur
Aðalfundur HS Veitna hf. var haldinn 13. mars 2024 í höfuðstöðvum fyrirtækisins á Brekkustíg 36 í Reykjanesbæ. Á fundinum urðu tvær breytingar á stjórn, úr stjórn gengu Jóhann Friðrik Friðriksson og Kristín Erla Jóhannesdóttir og nýir stjórnarmenn eru Andri Freyr Stefánsson og Þórunn Helga Þórðardóttir. Að loknum stjórnarfundi í framhaldi aðalfundar var stjórnin þannig skipuð:
Stjórn
Stjórn

Heiðar Guðjónsson
HSV Eignarhaldsfélag slhf
Varaformaður

Friðjón Einarsson
Reykjanesbæ
Meðstjórnandi & Ritari

Guðný Birna Guðmundsdóttir
Reykjanesbæ
Stjórnarformaður

Þórunn Helga Þórðardóttir
HSV Eignarhaldsfélag slhf
Meðstjórnandi

Margrét Sanders
Reykjanesbæ
Meðstjórnandi

Ómar Örn Tryggvason
HSV Eignarhaldsfélag slhf
Meðstjórnandi

Andri Freyr Stefánsson
Reykjanesbæ
Meðstjórnandi
Stefnumótun
Í upphafi árs hófst innri stefnumótun fyrirtækisins. Lagt var upp með að draga allt starfsfólk að borðinu til að ná utan um það sem er gott og hvað betur má fara með það að markmiði að gera gott enn betra.
Haldnar voru vinnustofur með utanaðkomandi ráðgjöfum þar sem stefnustraumar voru notaðir sem leiðarljós og einnig voru allar einingar rýndar með samtölum þvert á allt fyrirtækið. Út úr þeirri vinnu kom umfangsmikill úrbótalisti sem var gerður aðgengilegur fyrir starfsfólkið um haustið og í kjölfarið settur í verkefnasafn með forgangsröðun.
Í kjölfarið fór stjórn í vinnu við að meta hvort þörf væri á endurskoðun á stefnu fyrirtækisins og var komist að þeirri niðurstöðu að ekki væri þörf á því. Uppfært skipurit var kynnt í september sem síðar tók gildi um áramót. Uppfærðu skipuriti er ætlað að styðja við bæði stefnu og framtíðarsýn fyrirtækisins sem byggir á upphaflegu markmiði um að gera gott enn betra.