Ársskýrsla 2024

HS Veitur eru samfélagslega mikilvægt innviðafyrirtæki og það  sýndi sig svo sannarlega á árinu 2024.  
Starfsfólkið okkar vann þrekvirki við að halda uppi þjónustustigi í Grindavík þrátt fyrir eldsumbrot og endurteknar jarðhræringar og ekki síður þegar heitavatnslaust varð í Reykjanesbæ, Suðurnesjabæ og Vogum er Njarðvíkuræð skemmdist vegna eldsumbrota.  Þá hefur gott samstarf viðbragðsaðila á svæðinu, Almannavarna og stjórnvalda skilað ótrúlegum árangri í barráttunni við náttúruöflin. 

Þrátt fyrir aukið álag á starfsemina vegna þessa tókst vel til við að halda uppi hefðbundnum rekstri og þjónustu HS Veitna, sem felst í því mikilvæga hlutverki að færa viðskiptavinum okkar aðgang að lífsgæðum á öllum okkar þjónustusvæðum.  Fjárhagsleg afkoma var þrátt fyrir allt ásættanleg í ljósi aðstæðna og má flokka það sem varnarsigur.   

Stór áfangi  náðist á árinu þegar HS Veitur  kláruðu innleiðingu á snjallmælum fyrst íslenskra veitufyrirtækja og greiða viðskiptavinir nú eftir notkun en ekki áætlun og geta fylgst með notkun sinni á heimasíðu fyrirtækisins.
 
Þjónustusvæði HS Veitna eiga það öll sameiginlegt að á þeim hefur verið mikill vöxtur bæði íbúa og atvinnulífs á síðustu árum. Í því felst mikil áskorun fyrir veitufyrirtæki.  Starfsfólk okkar hefur unnið markvisst að því að mæta  núverandi þörfum viðskiptavina ásamt því að undirbúa veitukerfin sem best fyrir þarfir framtíðarinnar. 

Á árinu  var unnin stefnumótun á vegum stjórnar og farið í innri stefnumótun þar sem starfsfólk fyrirtækisins tók þátt í að greina hvað er gott og hvað betur mætti fara.  Í kjölfarið var ráðist í skipulagsbreytingar og nýtt skipurit tók gildi um áramótin.
 
Í ólgusjó óvæntra atburða hafa HS Veitur gert það sem þarf til að sinna þörfum viðskiptavina á Suðurnesjum, í Hafnarfirði, Garðabæ, Árborg og í Vestmannaeyjum. Við munum við halda áfram á þeirri braut.

Framtíðin er björt hjá HS Veitum.