Ársskýrsla 2023

Aðalfundur HS Veitna hf. var haldinn 23. mars 2023 í höfuðstöðvum fyrirtækisins á Brekkustíg 36 í Reykjanesbæ. Á fundinum urðu tvær breytingar á stjórn, Jóhann Friðrik Friðriksson kom inn fyrir Guðbrand Einarsson og Friðjón Einarsson fyrir Baldur Þórir Guðmundsson. Að loknum stjórnarfundi í framhaldi aðalfundar var stjórnin þannig skipuð:

Á árinu 2023 jókst almenn raforkunotkun, án gagnavera, úr 586,1 GWh í 602,3 GWh eða 2,72%. 
Notkun þriggja gagnavera minnkaði um 11% eða úr 842,5 GWh í 749,9 GWh. Notkun á ótryggðri orku minnkaði um 14,6% eða úr 94,2 GWh í 80,4 GWh. Í heild minnkaði raforkunotkun í kerfinu úr 1.522,8 GWh í 1.432,7 GWh eða um 5,93%. 
Heitavatnsnotkun á Suðurnesjum jókst úr 13.217 þús. tonnum í 13.761 þús. tonn eða um 4,12%. Í Vestmannaeyjum jókst salan á heitu vatni úr 1.707 þús. tonnum í 1.828 þús. tonnum eða um 7,08%. 

2023
Mesta vatnsnotkun á klukkustund til Fitja var 19.janúar eða 1.684 tonn (116.234 kWh).
Mesta vatnsnotkun á sólarhring til Fitja var 20.janúar eða 39.324 tonn (2.729.787 kWh). 
Mesta vatnsnotkun á klukkustund til Grindavíkur var 16.janúar eða 374 tonn (20.126 kWh). 
Mesta vatnsnotkun á sólarhring til Grindavíkur var 17.janúar eða 8.118 tonn (426.757 kWh). 

2022
Mesta vatnsnotkun á klukkustund til Fitja var 22.desember eða 1.664 tonn (121.297 kWh).
Mesta vatnsnotkun á sólarhring til Fitja var 31.desember eða 38.520 tonn (2.771.618 kWh).
Mesta vatnsnotkun á klukkustund til Grindavíkur var 22.desember eða 348 tonn (18.399 kWh).
Mesta vatnsnotkun á sólarhring til Grindavíkur var 31.desember eða 7.791 tonn (412.375 kWh). 

Gjaldskrá dreifingar raforku var óbreytt allt árið 2023. Í því tekjumarka umhverfi sem rafveitureksturinn byggir á miðast leyfðar tekjur vegna rekstrar árin 2021 – 2025 við verðbættan rekstrarkostnað áranna 2015 – 2019 sem þó skiptist orðið þannig í tekjuramma að 53% fylgja launaþróun og 47% rekstrarkostnaði þannig var settur kostnaður 2022 612 m.kr. vegna rekstrarkostnaðar og 704 m.kr. vegna launakostnaðar. Í lok árs 2022 voru vannýttar tekjuheimildir 197 m.kr. en voru 366 m.kr. árið á undan, í lok árs 2023 eru tekjuheimildir hinsvegar ofnýttar um 141 m.kr. eða 2,7%.

Gjaldskrá hitaveitu hækkaði um 3,2% 1. mars 2023 og um 4,61% 1. ágúst 2023 en gjaldskrá hitaveitu í Vestmannaeyjum var einnig hækkuð 1. september 2023 þannig að heildar hækkun í Vestmannaeyjum var 12% vegna ágúst/september hækkana en ekki fékkst fullt samþykki frá ráðuneytinu til að hækka gjaldskránna um 12% þann 1. ágúst og var sú hækkun því framkvæmd í áföngum. Hækkanir hitaveitu eru almennt í samræmi við verðlagsbreytingar og er gjaldskrárstefna fyrirtækisins sú að gjaldskrá er hækkuð þegar framfærsluvísitala hefur hækkað um 3% eða meira frá síðustu breytingu til samræmis við verðlagsbreytingar.

Gjaldskrá vatnsveitu fylgir í öllum meginatriðum breytingum á vísitölu byggingarkostnaðar og er uppfærð 1. janúar og júlí ár hvert, hækkunin 1. janúar 2023 var 5% og hækkunin 1. Júlí 2023 var 4,08%